ରବିପ୍ରିୟ ଦାଶ, ଭୁବନେଶ୍ୱର ୧୯ ଅକ୍ଟୋବର ୨୦୨୪
ରାଜ୍ୟର ଅନ୍ୟତମ ବରିଷ୍ଠ ରାଜନେତା ତଥା ୂର୍ବତନ ମନ୍ତ୍ରୀ ଅମର ପ୍ରସାଦ ଶତଥୀ ବିଜୁ ଜନତା ଦଳରୁ ସମ୍ପର୍କ ଛିନ୍ନ କରିଛନ୍ତି । ଦଳରୁ ଇସ୍ତଫା ଦେଇନଥିଲେ ମଧ୍ୟ ଦଳର ସଭ୍ୟପଦ ନବୀକରଣରୁ ଦୂରେଇ ରହିଛନ୍ତି । ନିଜ ସଦସ୍ୟ ଦ ନବୀକରଣ କରିନାହାନ୍ତି । ଶ୍ରୀ ଶତଥୀ ଗଣମାଧ୍ୟମକୁ ଏ ସମ୍ପର୍କରେ ସୂଚନା ଦେଇ କହିଛନ୍ତି ଦଳ ତା’ର ମୁଖ୍ୟ ଉଦ୍ଦେଶ୍ୟ ଓ ଲକ୍ଷରୁ କକ୍ଷଚ୍ୟୁତ ହୋଇଥିବାରୁ ସେ ବିଜେଡିରେ ଅଣନିଃଶ୍ୱାସୀ ହୋଇପଡ଼ିଛନ୍ତି।
ଶ୍ରୀ ଶତପଥୀ ବଡ଼ଚଣା ବିଧାନସଭା ଆସନରୁ ୬ ଥର ବିଧାୟକ ଭାବେ ନିର୍ବାଚିତ ହୋଇଥିଲେ । ଦୁଇଥର ଜନତା ଦଳ, ଥରେ ଏନସିପି ଏବଂ ତିନିଥର ବିଜେଡି ୍ରାର୍ଥୀ ଭାବେ ନିର୍ବାଚନ ଲଢ଼ି ବିଜୟ ଲାଭ କରିଥିଲେ । ଗତ ନିର୍ବାଚନରେ ବିଜେଡି ତାଙ୍କୁ ଦଳୀୟ ପ୍ରାର୍ଥୀ କରିନଥିଲା । ବଡ଼ଚଣା ଆସନରୁ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ପ୍ରାର୍ଥୀ କରାଯାଇଥିଲା । ଏଥିରେ ଶ୍ରୀ ଶତଥୀ କ୍ଷୁବ୍ଧ ଥିଲେ । ଏବେ ବିଜେଡି ସୁପ୍ରିମୋ ଏବଂ ଦଳ ବିରୋଧରେ ସେ ମୁହଁ ଖୋଲିଛନ୍ତି । ଏହାକୁ ନେଇ ଚର୍ଚ୍ଚା ଜୋର ଧରିଛି । ଅମର ବିଜେପିକୁ ଯିବା ନେଇ ଆଲୋଚନା ବଢ଼ିବାରେ ଲାଗିଛି । କିଛିଦିନ ହେଲା ନିର୍ବାଚନରେ ବିଜେଡିର ବିପର୍ଯ୍ୟୟ ସମ୍ପର୍କରେ ସେ ଦଳର କାର୍ଯ୍ୟଶୈଳୀକୁ ନେଇ ମନ୍ତବ୍ୟ ଦେଇ ଆସୁଛନ୍ତି । ଦଳ ସଭାପତିଙ୍କ ନବୀନ ପଟ୍ଟନାୟକଙ୍କୁ ସେ ସମାଲୋଚନା କରିବାକୁ ପଛେଇ ନାହାନ୍ତି । ଦଳ ପରାଜୟର ଦାୟିତ୍ୱ ନୀବନବାବୁ ଗ୍ରହଣ କରିବା ଉପରେ ସେ ତାଙ୍କ ମତ ରଖିଛନ୍ତି । ନବୀନଙ୍କୁ ସ୍ପଷ୍ଟୀକରଣ ମାଗିବା ପରିପ୍ରେକ୍ଷୀରେ ସେ କହିଛନ୍ତି, ନବୀନ ଏବେ ଦଳ ଚଳାଉଛନ୍ତି ନା ଅନ୍ୟ କାହାକୁ ଦେଇଛନ୍ତି ତାହା ପ୍ରକାଶ କରିବା ଉଚିତ ।
ଅମର ବିଜେପିରେ ଯୋଗଦେବେ କି ପ୍ରଶ୍ନର ଉତ୍ତରରେ କହିଛନ୍ତି, ନିର୍ବାଚନ ସମୟରେ ବିଜେଡି ତାଙ୍କୁ ଟିକଟ ନଦେବାରୁ ବିଜେପି ଓ ଅନ୍ୟ ରାଜନୈତିକ ଦଳ ତାଙ୍କ ସହ ଯୋଗାଯୋଗରେ ଅଛନ୍ତି । ସମର୍ଥକଙ୍କ ସହ ଆଲୋଚନା କରି ସେ ଯାହା କିଛି ନିଷ୍ପତ୍ତି ନେବେ ।
ବିଜେଡି କ୍ଷରୁ ଲେନିନ ମହାନ୍ତି ଶ୍ରୀ ଶତଥୀଙ୍କ ମନ୍ତବ୍ୟର ପ୍ରତିକ୍ରିୟା ରଖିଥିବା ବେଳେ ଅମର ପୁଣି କହିଛନ୍ତି, ଆଗକୁ ଅନେକ ଘଟଣା ଘଟିବାକୁ ଯାଉଛି । ତାଙ୍କ ମନ୍ତବ୍ୟକୁ ଅନେକ ବିଜେଡି ନେତା ସମର୍ଥନ କରୁଛନ୍ତି ।
ଏବେ ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀ ନିର୍ବାଚନରେ ବିଜେଡିର ପରାଜୟକୁ ନେଇ ବିସ୍ଫୋରକ ବୟାନ ଦେଇଛନ୍ତି । ପାଣ୍ଡିଆନଙ୍କ ପାଇଁ ବିଜେଡିର ଲୋକପ୍ରିୟ ସରକାର ଚାଲିଗଲା ବୋଲି ପ୍ରକାଶ କରି ଯେ ପର୍ଯ୍ୟନ୍ତ ପାଣ୍ଡିଆନ ଥିବେ ସେ ପର୍ଯ୍ୟନ୍ତ ବିଜେଡି ଆଉ ସରକାରକୁ ଆସିବନି ବୋଲି କହିଛନ୍ତି ।
